Gjoba e nënës lehonë, shpërthen juristja: Si japin atë vlerë, pa bërë asnjë vlerësim

Juristja Enida Bozheku ishte e ftuar këtë të shtunë në emisionin Review në Euronews Albania, ku foli në lidhje me arrestimin e shtetases Diana Bahçja, nënës lehonë, e cila u prangos 8 ditë pas lindjes, për shkak të një gjobe të papaguar për braktisjen e foshnjës së parë.

Bozheku u shpreh e habitur mbi mënyrën e vlerësimit të gjobës prej 250 mijë lekë të reja nga gjykata, në kushtet kur nëna është në vështirësi shumë të mëdha ekonomike.

“Unë habitem si një gjykatë arrit të dënojë me gjobë me atë vlerë pa bërë vlerësimin paraprak ekonomik që është me detyrim ligjor. Kodi Penal e ka të përcaktuar një nen që thotë se konvertimi me gjobë bëhet pasi është analizuar dhe vlerësuar nga gjykata mundësia për të paguar gjobën, kur e ke gjobë ose burgim. Tek pjesa e njoftimeve ne nuk e dimë dosjen. Nëse njoftimi është bërë me procedurë të rregullt, pranë familjes, çdo gjë është në rregull. Unë nisem vetëm nga fakti si është dhënë ajo gjobë dhe ka dhënë një gjobë të ponderuar fillon nga 1 milionë lekë të vjetra dhe shkon deri në 10 milionë lekë të vjetra. Këta kanë vendosur 2 milionë e gjysmë dhe unë nuk di si e kanë bërë një vlerësim të tillë”, tha Bozheku.

LEXONI GJITHASHTU:

• Gjoba e nënës lehonë, shpërthen juristja: Si japin atë vlerë, pa bërë asnjë vlerësim
• Avokati i nënës lehonë: Dianën e denoncoi ish-vjehrri, thanë që u largua nga banesa