Siguroi 9 mijë euro përmes mashtrimit, arrestohet në Kakavijë 41-vjeçari

Policia e Gjirokastrës ka arrestuar një 41-vjeçar, i cili ishte shpallur në kërkim pasi i mori 9000 euro, një shtetasi, me anë të mashtrimit.

41-vjeçari u ndalua në tentativë për të kaluar kufirin drejt Greqisë.

Policia ka mundur të sekuestrojë 10 150 euro dhe 400 dollarë, të cilat ky shtetas nuk i deklaroi në kufi, sipas përcaktimeve ligjore.

Materialet në ngarkim të tij i kaluan prokurorisë në Gjirokastër, për veprat penale “Mosdeklarimi në kufi i të hollave dhe i sendeve me vlerë” dhe “Pastrimi i produkteve të veprës penale ose veprimtarisë kriminale” dhe “Falsifikimi i letërnjoftimeve, pasaportave ose vizave”.

Shtetasi J. S. iu dorëzua shërbimeve të DVP Tiranë, për kryerjen e veprimeve të mëtejshme procedurale.

LEXONI GJITHASHTU: 

• Po priste dru për ngrohje, e zë poshtë trungu dhe ndërron jetë 42-vjeçari
• Falsifikonte pasaportat për Angli dhe SHBA, arrestohet 54-vjeçari
• 8 mijë fidanë kanabis brenda kraterit në Shkodër, pranga “bosit” të drogës