Dënohen bankierët që ndihmuan shokun e Putinit

Katër bankierë që ndihmuan një shok të ngushtë të presidentit rus Vladimir Putinit të depozitonte miliona franga përmes llogarive bankare zvicerane janë dënuar për mungesë kujdesi në transaksionet financiare.

Të katërt u shpallën fajtorë të enjten për akuzën se ndihmuan Sergey Rolduginin, një violonçelist i cili është quajtur “kuleta e Putinit” nga qeveria zvicerane, i cili është edhe kumbari i vajzës së madhe të Putinit, Marias.

Bankierët – tre rusë dhe një zviceran – ndihmuan Rolduginin të depozitonte miliona franga në llogaritë bankare zvicerane gjatë periudhës prej vitit 2014 deri më 2016.

Këta katër burra, të cilët nuk mund të identifikohen u shpallën fajtorë në një seancë në Gjykatën e Zyrihut dhe u dënuan me kusht me nga shtatë muaj secili.

Në aktakuzën e parë publikuar nga agjencia e lajmeve Reuters theksohej se si njerëz si Roldugini përdoren për të fshehur pronarët e vërtetë të parave.

LEXONI GJITHASHTU:

• “Me Putinin nuk ka raporte të këqija”, Hoti: Erdogani, lojtar pragmatik në politikë
• Oligarkët kundër Putin: E ka futur vendin në varr, po i shkatërron të gjithë