Protokolli i kurimit në shtëpi, lista e ilaçeve për COVID-19 që rimbursohen

Në mbledhjen e të mërkurës, Këshilli i Ministrave ka miratuar skemën e rimbursimit të barnave për të sëmurët nga COVID-19 që marrin trajtim ambulatorë në banesë.

Nga kjo skemë përfitojnë vetëm personat e testuar pozitiv për Sars-Cov-2 të konfirmuar nga institucionet shëndetësore publike përgjegjëse.

Euronews Albania ka zbardhur protokollin e kurimit në shtëpi të të sëmurëve me COVID (në dy stadet e para), barnat që nevojiten për kurim në çdo rast dhe vlerën e rimbursuar me vendim të Këshillit të Ministrave.

Stadi i parë

a) Vitaminë C                                     1000 lekë
b) Lëngje                                                      —
c) Antipiretikë (Paracetomol)             210 lekë
d) Trisol kur ka diare                         1000 leke kutia
e) Shurup kolle kur ka kollë               860 lekë

Totali:                                                 3070 lekë                     

Vlera e rimbursueshme: 1650 leke.

(Në faturë nuk përfshihet antibiotiku, që mund të rekomandohet nga mjeku, Zinku, vitamina D3, Oksimetri, apo dhe ilaçe të tjera të domosdoshme sidomos për pacientët në moshë.)

Stadi i Dytë

a) Vitaminë C                                      1000 lekë
b) Lëngje                                                      —
c) Antipiretikë (Paracetomol)              210 lekë
d) Trisol kur ka diare                          1000 leke kutia
e) Shurup kolle kur ka kollë               860 lekë
f) Azitromicine (antibiotik)                  660 lekë
g) Levofloksacin (antibiotik)               1229 lekë
h) Kortizonik                                      492 lekë
i) Antikoagulant (30 copë)                 9000 lekë

Totali:                                                14451 Lekë

Vlera e rimbursueshme:                   10900 lekë

Nuk përfshihen: (Oksimetri, zinku, antibiotikët më të fortë, të cilët në shumë raste janë të domosdoshëm për kurim shembull Roxipime  11000 lekë, etj.)

Çmimet janë vetëm për barnat që merren nga goja dhe jo intervenozet, ku një faturë varion nga 30.000 lekë – 50.000 lekë.