“A dukem bukur? Më nxirrni bukur në kamera” – rumuni i 118 kg kanabis para gjykatës

Rumuni George Coman i akuzuar për transport të lëndëve narkotike ka dalë sot para togave të zeza në gjykatën e Korçës për t’u njohur me masën e sigurisë.

Para fillimit të seancës, Coman është habitur me praninë e madhe të kamerave të gazetarëve dhe ka nisur të bëjë humor me ta, madje të shkëmbejë dhe batuta, teksa i pyet se “a ishte bukur dhe ta nxirrnin siç duhej në kamera”.

Ai ka qenë i interesuar nëse lajmet do kalonin dhe për mediat rumune.

George Coman dhe Daniela Buturugaru tri ditë më parë janë kapur në pikën e kalimit kufitar të Kapshticës me 118 kg lëndë narkotike e dyshuar kanabis sativa.

LEXONI GJITHASHTU:

• Dëshmia e rumunit me 118 kg kanabis në Kapshticë: Jam me pushime
• Tentuan të qëllonin me armë ndaj policisë, arrestohen 3 shqiptarët e rumuni në Greqi