Stuhi akulli në Kanada: Dy të vdekur, më shumë se një milion njerëz pa energji

Dy njerëz u vranë dhe më shumë se një milion njerëz mbetën pa energji sot në Kanada pasi një stuhi akulli goditi dy nga provincat më të populluara të Kanadasë, duke sjellë shi të ftohtë dhe erëra të forta që rrëzuan pemë dhe linja elektrike.

Një burrë u vra në Quebec kur një pemë ra mbi të, ndërsa një tjetër u vra në Ontario lindore kur u godit nga një degë që binte, raportoi Reuters.

“Ky është një moment shumë i vështirë. Ndërprerjet e energjisë elektrike për kaq shumë njerëz, rënie të pemëve, dëmtime nga stuhia në ndërtesa, makina dhe gjëra të tjera,” tha kryeministri kanadez Justin Trudeau.

Pak më pak se një milion njerëz ishin pa energji elektrike në Quebec dhe rreth 110,000 në Ontario që nga ora 16:00 me orën lokale, raporton Reuters.

LEXONI GJITHASHTU: 

• Moldavia, “dominoja” e parë në planin rus për përshkallëzimin e konfliktit në Evropë
• Izraeli sulmon me raketa Libanin