A do të votojnë në 14 Maj? Iris Luarasi komenton të dhënat e Barometrit

Pedagogia Iris Luarasi komentoi në Euronews Albania të dhënat e Barometrit që tregojnë se qytetarët e Tiranës nuk i konsiderojnë aq të rëndësishme zgjedhjet lokale sa i konsideronin një muaj më parë.

“Është pak surprizuese që ka rënë nga shkurti deri në mars. Nga 80.5% ka dalë 74.1% në mars, por nuk më duket surprizues fakti që një pjesë e mirë e demokratëve, 25% në mars, është rritur numri nga 17.7% në shkurt, mendojnë që nuk janë të rëndësishme apo nuk do marrin pjesë në zgjedhjet lokale.

Kjo pastaj ka lidhje me atë që ndodh brenda Partisë Demokratike, për faktin që dy fraksionet brenda Partisë Demokratike nuk arritën që të bashkoheshin për zgjedhjet lokale dhe sigurisht që kjo e frustron votuesin,” – deklaroi Luarasi.

LEXONI GJITHASHTU:

• Bie rëndësia e qytetarëve për zgjedhjet lokale
• Bardh Sejdari tregon për “Barometrin” sa janë çmimet e qirasë në kryeqytet