Rusia refuzon shkëmbimin e të burgosurve myslimanë në nder të muajit të Ramazanit

Rusia ka refuzuar propozimin e bërë nga Ukraina me rastin e muajit të Ramazanit, për të shkëmbyer të gjithë robërit myslymanë të luftës.

Daria Zarivna, Këshilltare e Komunikimit të Shefit të Zyrës së Presidentit ukrainas, tha se rusën e kishin refuzuar një marrëveshje të tillë pasi nuk ishin të interesuar.

“Ne dolëm me një propozim për shkëmbimin e të burgosurve myslimanë në një format ‘të gjithë për të gjithë’ nga të dyja palët si shenjë respekti për kulturën dhe traditat e tyre. Fatkeqësisht, pala ruse e hodhi poshtë këtë ide”, tha ajo.

Kujtojmë se sipas të dhënave që Shtabi Koordinues për Trajtimin e të Burgosurve të Luftës në Ukrainë ka publikuar, bëhet me dije se janë kryer 39 shkëmbimeve.

Në total janë liruar 1,993 persona, përfshirë 184 gra dhe 107 fëmijë. Shkëmbimi i fundit u bë më 3 prill, ku 12 ushtarë ukrainas u liruan.

LEXONI GJITHASHTU: 

• “Hiqni pengesat për eksportet”- Lavrov kërcënon me dalje nga marrëveshja e grurit
• “Ju mund ta sillni Rusinë në vete”- Macron takon presidentin kinez
• Përpjekja për të ‘zbutur’ Kinën, Macron dhe Von der Leyen drejt Pekinit