“Nuk vijmë nga realitet nordik”, Kaziaj: Duhet ligj që audituesi të ketë kompetenca

Altin Kaziaj përfaqësuesi i koalicionit “Bashkë fitojmë”, ishe i ftuar këtë të diel  në emisionin “Revieë” për të folur rreth financimit të partive.

Sipas tij duhet që ligji të funksionojë e të ndëshkojë të gjitha subjektet që kanë shkelur mbi parimet ligjore. Ai tha  se në raste të tilla KQZ do duhet që subjektit “shkelës” t’i hiqte të drejtën e kandidimit në zgjedhjet e ardhshme.

“Fakti është se ne nuk vijmë nga një mentalitet nordik ne shqiptarët.  Duhet ndëshkim, nëse dikush është përgjegjës për një raportim apo për një marrëdhënie kundrejt  KQZ-së nuk e bën sipas parashikimeve ligjore, do duhet t’i hiqet e drejta për të garuar në zgjedhjet e ardhshme.

Komisioneri shtetëror i zgjedhjeve në momentin që nuk raporton partia politike, sipas nenit 88 pika 7 e kodit zgjedhor, apo nuk kthen diferencën e marrë gabimisht të dhënë nga ana e komisionerit, i hiqet e drejta për 5 vjet që të marri financime publike. Shqiptarët janë të mësuar që me vullnet nuk e bëjnë Diçka”, tha Altin Kaziaj përfaqësuesi i koalicionit “Bashkë Fitojmë”.

LEXONI GJITHASHTU:

• “30 mijë dollarë pa deklaruar”, analistja e KRIIK: Fshehin paratë e mediave sociale
• “Krimi financon fushatat”, Qiraxhi: Partitë u kthejnë borxhin sa vijnë në pushtet
• E rëndë në Kosovë, 5-vjeçari gjendet i vrarë me armë zjarri