Male: Gjiknuri dhe Balla shkelën ligjin zgjedhor, shfrytezuan zyrtarët për fushatë

Vëzhguesja e KRIIK Antuela Male tha se Sekretari i Përgjithshëm i PS, Damian Gjiknuri dhe kreu i Grupit Parlamentar të kësaj partie kanë shkelur kodin zgjedhor.

E ftuar në emisionin “Review” në Euronews Albania ajo tha se ato kanë shfrytëzuar aktivitetet institucionale apo deputetët për të kryer fushatë.

“Kemi realizuar 200 denoncime  lidhur me aktivitetet që i kemi monitoruar vetëm nga rrjetet sociale, këto lidhen me mekanizmin e raportimit dhe të përdorimit. Ajo që kemi vërejtur është shfrytëzimi i aktiviteteve institucionale të bashkive nga drejtuesit politikë të qarqeve apo deputetët për të kryer fushatë elektorale. Denoncime të tilla ne kemi çuar në KQZ për disa bashki të qarkut Elbasan, ku drejtues është Gjiknuri dhe për disa bashki të Fierit ku drejtues politik është Balla.”- tha ajo.

LEXONI GJITHASHTU: 

• Male: Ende pa nisur fushata, partitë kanë shpenzuar 25 mijë dollarë
• Prokurori i fundit i Nurembergut është ndarë nga jeta në moshën 103-vjeçare