Protesta kundër qeverisë proruse të Gjeorgjisë

Mijëra mbështetës të opozitës u mblodhën jashtë parlamentit gjeorgjian në Tbilisi mes kritikave në rritje ndaj qeverisë  e cila akuzohet se ka një sjellje proruse dhe shumë autoritare.

Protesta u mbajt nga  grupi kryesor i opozitës, ‘Lëvizja e Bashkuar Kombëtare’, e themeluar nga ish-presidenti i burgosur Mikheil Saakashvili.

Protestuesit  valëvitën flamujt e Gjeorgjisë, Ukrainës dhe Bashkimit Evropian. Ata po kërkojnë “lirimin e të burgosurve politikë dhe zbatimin e reformave” të kërkuara nga BE për t’i dhënë statusin e kandidatit Gjeorgjisë.

Qeveria e partisë në pushtet ‘Ëndrra Gjeorgjiane’ akuzohet për burgosje të kundërshtarëve, heshtje të mediave të pavarura dhe bashkëpunim të fshehtë me Kremlinin.

LEXONI GJITHASHTU:

• Vijojnë protestat në Francë për ligjin e reformës së pensioneve 
• Aktivisti kundërshton pretendimet e PDK: Protesta ishte e mbështetur edhe nga LVV