6-vjeçari qëlloi me armë zjarri mësuesen, ndiqet penalisht nëna e tij

Nëna e një fëmije gjashtë vjeçar që qëlloi mësuesin e tij në një shkollë në Virxhinia është akuzuar penalisht.

Deja Taylor, 25 vjeç, është paditur nga një juri e madhe me një akuzë për neglizhencë ndaj fëmijës dhe një akuzë për kundërvajtje.

Policia kishte thënë më parë se arma e përdorur në të shtënat i përkiste zonjës Taylor. Fëmija e solli armën në çantën e shpinës në shkollën fillore Richneck në qytetin e Newport News më 6 janar.

Ai më pas qëlloi Abigail Zwerner, një mësuese 25-vjeçare, në dorë dhe në gjoks gjatë mësimit. Zonja Zwerner u plagos rëndë, por i mbijetoi të shtënave.

Të hënën, prokurorët thanë në një deklaratë se zonja Taylor ishte akuzuar për një akuzë për neglizhencë të fëmijës dhe një akuzë për kundërvajtje për “lënien e pakujdesshme të një arme zjarri të mbushur duke rrezikuar një fëmijë”.

Ata shtuan se akuzat vinin pas një hetimi të plotë për incidentin.

“Çdo çështje penale është unike në faktet e saj, dhe këto fakte mbështesin këto akuza, por hetimi ynë për të shtënat vazhdon,” tha Howard Gwynn, avokati i Commonwealth of Virginia. Familja kishte thënë më herët në një deklaratë pas të shtënave se arma ishte e siguruar.

LEXONI GJITHASHTU:

• A hapen plagët e luftës? Si e shpjegon aktori mesazhin e “The Handke project”
• 1 në 10 mësues në Britani, është sulmuar fizikisht nga nxënësi
• Mësuesja shqiptare në Londër: Këtu mësuesit sillen 2-fish më keq se nxënësit