Dhunohen skulpturat në Durrës, vandalizmi lidhet me mungesën e kulturës

Nuk është hera e parë që veprat e artit në Durrës dhunohen sapo vihen në hapësirat publike dhe këtë fat kanë pasur edhe skulpturat e parkut.

Që nga mungesa e kulturës qytetare e deri tek problemet me mirëmbajtjen nga institucioni i bashkisë, faji në këtë rast nuk është jetim.

“Ndoshta lidhet me mungesën e kulturës sonë, në mënyrën si duhet t’i trajtojmë këto objekte që shërbejnë për të përkujtuar ngjarje të caktuara historike,” – u shpreh gazetari Geri Emiri.

“Duhet të kemi parasysh që vendosja në hapësirat publike të monumenteve gjithmonë duhet shoqëruar edhe me buxhete mirëmbajtjeje,” – shtoi ai.

Shpesh turistët që shkrepin foto pranë këtyre veprave, marrin me vete edhe gjurmët e “barbarisë”.

Prandaj, ndërsa jemi përpara sezonit veror dhe turistët e parë kanë filluar të vijnë në qytet, Emiri jep 2 sugjerime sesi mund të zgjidhet ky problem.

“Nga ana tjetër tregon që ka edhe nevojë për shtimin e masave nga ana e institucioneve vendore, që përmes patrullave të policisë bashkiake t’i mbajnë nën survejim këto hapësira dhe gjithashtu mund të jetë një zgjidhje tjetër monitorimi i tyre me një rrjet të caktuar telekamerash,” – u shpreh ai.

Skulpturat e fundit që u vendosën në shëtitore janë ato të 4 këngëtarëve të famshëm të rokut botëror, por prej muajsh tashmë mes tyre mungon skulptura e Tina Turner, e dëmtuar muaj më parë.

LEXONI GJITHASHTU:

• Bumçi i numëron live në emision: Fitojmë në Tiranë, Durrës, Korçë, Elbasan
• Durrësi dhe Apolonia në Google, platforma që reklamon mbi 2000 pasuri kulturore