Aeroporti i Vlorës, Balluku në Euronews Albania: Presim oferta nga konsorciume të rëndësishme, fituesi shpallet më 25 janar
Shqipëria ka rihapur garën ndërkombëtare për ndërtimin dhe operimin e Aeroportit të Vlorës. Lajmin e ka bërë të ditur, ministrja e Infrastrukturës, Belinda Balluku e cila u sqaroi se gara do të jetë e hapur deri më 23 dhjetor.
Deri në këtë datë, kompanitë duhet të dorëzojnë ofertat, ndërsa fituesi do të shpallet në janar. Gara për aeroportin u shpall fillimisht në 19 dhjetor të vitit 2019, por pezullua për shkak të pandemisë. Ndërtimi parashikohet të kryhet përmes një partneritetit publik-privat, me afat 35-vjeçar.
Belinda Balluku, ministre e Infrastrukturës dhe Energjisë duke folur për Euronews Albania tha se vonesat për ndërtimin e Aeroportit të Vlorës janë shkaktuar nga tërmeti dhe pandemia. Procesi tha ajo u ngri për të mos humbur kohë ndërkohë që fituesi pritet të shpallet më 25 janar.
“Afati për pranimin e ofertave do të mbyllet më 23 dhjetor më pas do t’i lihet kohë Komisionit të Vlerësimit të ofertave që të shqyrtojë dhe përcaktojë fituesin e koncesionit. Nëse do të mbyllim këtë garë më 23 dhjetor me shpresën që të kemi konsorcium të rëndësishëm, pasi aeoroporti do të ketë dhe pjesën e operimit, shpallja e fituesit do të jetë më 25 janar”, deklaroi ministrja.
E pyetur se kur mund të nisë ndërtimi i Aeroportit të Vlorës, ministrja u tregua e kujdesshme duke thënë se bëhet fjalë për një koncesion me kohëzgjatje të madhe prej 35 vitesh dhe se negociatat dhe hartimi i marrëveshjes do të kërkojë mjaft kohë dhe nuk përcaktoi një datë konkrete.
“Kjo është një kontratë e rëndësishme koncesionare dhe flitet për një afat prej 35 vjet. Duhet negociuar me detaje dhe ne do të jemi të kujdesshëm gjatë negocimit. Kontrata do të lidhet në fund të muajit mars mes ministrisë së Infrastrukturës dhe konsocriumit fitues”, shtoi znj. Ballaku.
Vrasja e policit në Korçë, kush është autori dhe si hapi zjarr ndaj efektivëve pasi i pikasi
Vritet një polic gjatë një operacioni në Maliq, plagoset një tjetër
Mot i keq në Shkodër, autoritetet apel qytetarëve: Shmangni zonat me risk
- 08:43 Dhoma e Përfaqësuesve miraton masën për t’i dhënë fund luftës në Iran
- 08:40 Partia Demokratike në pushtet fiton zgjedhjet lokale në Korenë e Jugut
- 08:35 Vrasja e policit në Korçë, kush është autori dhe si hapi zjarr ndaj efektivëve pasi i pikasi
- 08:30 Kina ndalon hyrjen e katër deputetëve të Zelandës së Re pas vizitës në Tajvan
- 08:27 Protesta e studentëve kundër masave shtrënguese në Kili, 25 të plagosur nga përleshjet
- 08:22 Kim Jong Un bëri thirrje për zgjerimin eksponencial të arsenalit bërthamor të Koresë së Veriut