U arrestua me 113 mijë euro në makinë, lirohet efektivi i RENEA-s

Gjykata ka liruar efektivin e RENEA Altin Morina. Zbutja e masës nga arrest me burg në detyrim paraqitjeje u bë 3 ditë më parë.

Morina u ndalua me 113 mijë euro teksa lëvizte me një automjet luksoz disa javë më parë.

Vendimi i gjykatës për zbutjen e masës së sigurisë ka ardhur pas marrjes në pyetje të biznesmenit që Morina pretendoi se i dha leket për një problem familjar.

Altin Morina, shefi i Stërvitjes të Repartit Special RENEA, u arrestua rreth një muaj më parë në Tiranë, pasi në automjetin me të cilin lëvizte iu gjet një shumë e konsiderueshme parash të padeklaruara.

Operacioni u zhvillua pas indicieve të dhëna nga inteligjenca informative se 43-vjeçari po qarkullonte me një shumë të madhe parash në automjetin e tij.

Gjatë kontrollit dhe kryerjes së automjetit rezultoi se në sediljen e pasagjerit, në vendin e parë të automjetit, ndodhej një qese plasmasi brenda të cilës kishte lekë, euro dhe paund.

Nga numërimi rezultoi se në qesen e plasmasit kishte rreth 113 mijë euro, rreth 290.00 lekë të rinj dhe 80 paund, të cilat u sekuestruan në cilësinë e provës materiale.

LEXONI GJITHASHTU:

• Gjykata e lë në burg, efektivi i RENEA-s: 113 mijë eurot ia mora një biznesmeni
• FOTO| Kush është shefi i Reneas që u kap me 113 mijë euro në makinë (EMRI)