Videokonferencë me “Venecian”, PD dhe Presidenca parashtrojnë qëndrimet e tyre për Kushtetutën

Komisioni i Venecias ka nisur turin e takimeve virtuale me institucionet shqiptare mbi dy kërkesat e Presidentit Ilir Meta i cili ka kërkuar verifikimin e standardeve ligjore të ndryshimeve kushtetuese të miratuara në 30 korrik dhe të ndryshimeve të Kodit Zgjedhor të miratuar pa konsesusin e këshillit politik.

Takimet kanë nisur me përfaqësuesit e Presidencës, të cilët kanë parashtruar qëndrimet e tyre mbi kërkesën drejtuar Komisionit të Venecias ndërsa ditën e sotme në takimi online ka qenë me Partinë Demokratike.

Kreu i PD, Lulzim Basha i shoqëruar nga sekretari i përgjithshëm Gazmend Bardhi dhanë qëndrimet e tyre mbi ndryshimet e miratuara nga ana e maxhorancës ku “kali i betejës” duket se është ndryshimi i rregullave të lojës në një kohë kur ka nisur përgatitja e zgjedhjeve, duke përfshirë këtu edhe heqjen e koalicioneve. Edhe partia e dytë e opozitës, Lëvizja Socialiste për Integrim dha qëndrimet e saj sa i takon këtyre ndryshimeve.

Komisioni i Venecias pritet të administrojë qëndrimet e të gjitha palëve përpara se sa të dalë me një opinion final, i cili do të shqyrtohet në seancën plenare të datës 11 dhe 12 dhjetor.

Lexoni gjithashtu: 

“Venecia” pranon të shqyrtojë Kodin e ri Zgjedhor, por rrëzon kërkesën e Metës për procedurë të përshpejtuar

Kodi Zgjedhor, Balla: PD të heqë dorë nga modelet për të bllokuar zgjedhjet

Kodi Zgjedhor, Komisioneri Varhelyi i kërkon sërish Ramës të presë opinionin e Venecias

Mazhoranca “rrëzon” këshillën e Varhelyi, Kodi Zgjedhor votohet të enjten

Kodi Zgjedhor, Rama: Parlamenti do të ri-shprehet pa humbur kohë