Veliaj në Njësinë 4: “5 Maji” e “Bregu i lumit” portë hyrëse e Tiranës moderne

Njësia 4 ishte ndalesa e radhës e drejtuesit socialist të Qarkut të Tiranës, Erion Veliaj .

Ai zgjodhi të bëj një ecje duke takuar kalimtarë të rastit dhe bisedoi me disa drejtues biznesesh. Më tej Veliaj mori pjesë edhe në mbjelljen e 15 pemëve.

“Kemi takuar njerëz gjithë rrugës dhe në çdo stacion, ose ishte dikush që ishte administrator pallati dhe tha, “Me këtë sistemin e ri na është bërë më mirë”, ose ishte dikush që kishte hapur një biznes të ri dhe po i shtohej puna, se kanë ardhur edhe banorët e rinj tek “5 Maji”. E vetmja vërejtje që kam pasur gjithë rrugës me njerëzit është një xhep i vogël këtu, do të thotë që është zgjidhur një pjesë shumë e madhe e gjërave,”- tha Erion Veliaj, kryebashkiaku i Tiranës.

Për Veliajn “5 Maji” do të jetë porta hyrëse veriore e Tiranës.

 “Kur thoshin njerëzit e kam shtëpinë tek “5 Maji”, apo Bregu i Lumit, konsiderohej fundi i botës. Tani kjo do bëhet porta e re e Tiranës. Plani tjetër është që të bëhet ura këtej, të lidhen edhe me Kamzën e Paskuqanin. Në anën tjetër kalon autostrada dhe krejt papritur, siç është bërë Farka e lidhur me autostradë dhe i ka rritur vlerën, autostrada që kalon këtu do ta kthejë këtë zonë, jo në cepin dhe fundin e Tiranës, por në fillimin dhe hyrjen e Tiranës,” –tha Erion Veliaj, kryebashkiaku i Tiranës

Nga ana tjetër, ai tha se puna nuk ka mbaruar dhe pikërisht për t’i vazhduar ato në një mandat të tretë Partia Socialiste kërkon votën e qytetarëve të Tiranës.

LEXONI GJITHASHTU:

• KAS rrëzon PD, Qerim Ismailaj mbetet kandidat për zgjedhjet e 14 majit
• Identifikohet viktima në Shëngjin, ish-kandidat për deputet