KAS rrëzon PD, Qerim Ismailaj mbetet kandidat për zgjedhjet e 14 majit

Komisioni i Ankesave dhe Sanksioneve ka rrëzuar kërkesën e PD për çregjistrimin e kandidatit të Partisë Socialiste për bashkinë Mallakastër, Qerim Ismailaj, me arsyetim se ai është subjekt i ligjit të dekriminalizimit.

Rreth 2 muaj më parë Ismailaj është dënuar nga GJKKO me 6 muaj burg, të cilët janë konvertuar me 40 orë pune për interes publik.

49-vjeçari është akuzuar për kryerjen e veprës penale “Falsifikim i vulave, i stampave ose i formularëve”.

Kandidatura e tij për bashkinë Mallakastër u konfirmua 1 muaj më parë nga kreu i grupit të PS, Taulant Balla.

“Sa i përket rastit të kryebashkiakut të Mallakastrës nuk ka asnjë ndalim dhe ai do të jetë kandidati ynë”, kështu tha në një deklaratë për mediat kreu i grupit parlamentar të Partisë Socialiste Taulant Balla.

LEXONO GJITHASHTU:

• Balla konfirmon kandidimin e kryebashkiakut të Mallakastrës Qerim Ismailaj
• ‘I dënuar në Greqi’, PD: KQZ ka shkelur ligjin, do ankimojmë në KAS për Ismailajn