“Sa i përket rastit të Kryebashkiakut të Mallakastrës nuk ka asnjë ndalim dhe ai do të jetë kandidati ynë”, kështu tha në një deklaratë për mediat kreu i grupit parlamentar të Partisë Socialiste Taulant Balla. Në këtë formë Balla ka konfirmuar rikandidimin në krye të Bashkisë së Mallakastrës të Qerim Ismailaj-t.
Ismailaj u mor i pandehur nga SPAK, për fshehjen e një dënimi me 3 vite burg në Greqi. Hetimet ndaj kryebashkiakut të Mallakastrës filluan pas denoncimit të Partisë Demokratike. Bëhet fjalë për një ngjarje të ndodhur në vitin 1999, ku Ismailiaj ishte përfshirë në rrahjen e një personi në shtetin fqinj.
Vetëm një muaj më parë Ismailaj është dënuar nga GJKKO me 6 muaj burg, të cilët janë konvertuar me 40 orë pune për interes publik. Ai është akuzuar për kryerjen e veprës penale “Falsifikim i vulave, i stampave ose i formularëve”.
LEXONI GJITHASHTU: