Sunak u heq kompetencat gjyqtarëve, s’mund të bllokojnë më dëbimet e emigrantëve

Gjyqtarët në Mbretërinë e Bashkuar nuk do të jenë më në gjendje të bllokojnë dëbimet e emigrantëve, pasi kryeministri Rishi Sunak u dorëzua përpara konservatorëve ekstremistë që kishin kërcënuar se do të rebeloheshin nëse ligji që ndalon varkat e vogla të kalojnë Kanalin e La Manshit nuk do të ashpërsohej.

Qeveria ka rënë dakord të ndryshojë draftin e saj për emigracionin ilegal për t’u lejuar ministrave të injorojnë ndërhyrjet nga Gjykata Evropiane e Drejtësisë, që përpiqet të ndalojë dëbimet nga territori i Britanisë së Madhe.

I njohur si “Rregulli i 39 Urdhrave”, drafti ishte kritikuar nga ligjvënësit konservatorë pasi një gjyqtar nga Gjykata e Strasburgut pezulloi dëbimin e parë që do të realizohej në qershor, me emigrantët që do të dërgoheshin me avion në Ruanda.

Një lëshim i dytë që kryeministri Sunak u bëri deputetëve rebelë do të parandalojë gjykatat britanike nga lëshimi i urdhëresave për të ndalur largimin e emigrantëve, përveç rasteve kur bëhet fjalë për rrethana të jashtëzakonshme.

Për të arritur qëllimin e tyre, disa deputetë të linjës së ashpër të konservatorëve i bënë thirrje qeverisë që të shkëpuste Mbretërinë e Bashkuar nga pjesëmarrja në Gjykatën Evropiane për të Drejtat e Njeriut.

Por ekspertët ligjore kanë paralajmëruar kundër planeve për të injoruar gjykatat evropiane, ndërsa disa ligjvënës kanë deklaruar se ligji mund të rrëzohet kur të kalojë për votim në Dhomën e Lordëve.

LEXONI GJITHASHTU:

• Kritika për Rishi Sunak, shpenzoi gjysmë milioni paund në dy javë me avionë privat
• Prapaskenat e takimit Rama-Sunak, çfarë u bisedua mes tyre larg kamerave