Mali i Zi shënon regres në rrugën e integrimit në BE

Negociatat për anëtarësimin e Malit të Zi në Bashkimin Europian duket se po pengohen nga disa kushte të paplotësuara. Zëdhënësja e Komisionit Europian, Ana Pisonero, ka cilësuar se problemi më i madh që po e pengon këtë është sistemi gjyqësor. Pisonero bën me dije se në vend që qeveria e Malit të Zi të bëjë progres, ajo në fakt ka bërë hapa pas.

“Në mënyrë që Mali i Zi të bëjë përpara në rrugën drejt Bashkimit Evropian, duhet të bëjë progres të mëtejshëm përsa i përket reformave të sundimit të ligjit, duke përfshirë përparimin në vend të ndalimit të zbatimit të reformës gjyqësore”, tha zëdhënësja e KE-së.

Pisonero tha se vendimi i këshillit gjyqësor për rizgjedhjen e presidentëve të gjykatave ka shkaktuar shqetësime. Kjo pasi nuk është në linjë me rekomandimet për pavarësinë e gjyqësorit, kusht ky që pritet të plotësohet përpara se të hapen dyert e anëtarësimit.

Burg i përjetshëm është masa e dhënë nga një gjykatë turke për 337 persona me akuzën se kanë drejtuar grushtin e shtetit të vitit 2016. Ata janë shpallur fajtorë për tentativën e rrëzimit të rendit kushtetues, tentativën për të vrarë presidentin, si dhe për krime të tjera lidhur me ngjarjen.