Twitter pezulloi llogarinë e këshilltarit amerikan se postoi mesazhe urimi për fitorën e Trump

Twitter pezulloi llogarinë e Steven Bradbury, Këshilltarit të Përgjithshëm të Departamentit të Transportit të SHBA-së, pasi postoi ​​mesazhe të njerëzve që uruan Trump për fitoren në zgjedhjet amerikane të vitit 2020.

Z. Bradbury shpërndau disa tweet-e që përmbanin postime të njerëzve që besonin në mashtrim zgjedhor dhe e konsideronin Trump si presidentin e zgjedhur, në zgjedhjet e fundit presidenciale në SHBA.

Ndërkohë, një postim tjetër që tërhoqi edhe më shumë vëmëndje, ishte postimi i bërë nga
z. Bradbury në të cilin ishte bashkangjitur letra e urimit e Znj.Maryam Rajavi, drejtuar presidentit aktual Donald Trump.

Maryam Rajavi, presidentja e zgjedhur e Këshillit Kombëtar të Rezistencës së Iranit, i kishte drejtuar Trump, një letër urimi për fitorën e tij në zgjedhjet presidenciale.

Në një letër të datës 7 nëntor, menjëherë pasi Trump e quajti veten fitues të zgjedhjeve, Maryam Rajavi, e uroi Donald Trump për fitoren e tij si president i zgjedhur i SHBA-së.

Letra i është drejtuar Trump dhe në fund të letrës ështe edhe firma e znj.Rajavi.
Por në letër perveç urimit, duket që Znj.Rajavi ka kritikuar administratën Obama, për politikat e SHBA-së, ndaj Iranit.

Kritikat e qarta të Maryam Rajavi ndaj Obamës në këtë letër dhe zbulimi i këtij dokumenti publikisht, duke ditur që Joe Biden është presidenti i zgjedhur në SHBA, mund të ketë pasoja për marrëdhënien e Rajavi me administratën e re në SHBA.

Llogaria e Z.Bradbury në Twitter u pezullua një ditë pasi postoi ​​mesazhe të njerëzve që uruan Trump për fitoren në zgjedhjet amerikane të 2020 dhe atyre që e konsideruan atë si presidentin e zgjedhur të SHBA-së.