Do pastronin para të ‘Cosa Notras-s’, gjykata dënon kunatin dhe shoferin e Taçit

GJKKO ka dënuar me burg kunatin dhe shoferin e Rezart Taçit.

Bëhet fjalë për 11 vite burg për Artur Ballën, kunatin dhe 10 vite burg për Bledar Lilon, shoferin.

Gjykata kundër Korrupsionit dhe Krimit të Organizuar vendosi që 18 milionë eurot, të cilat janë të bllokuara gjatë operacionit, t’i kalojnë shtetit.

Artur Balla dhe Bledar Lilo që akuzohen për pastrim parash, përfitojnë gjykim të shkurtuar.

18.4 mln euro të mafies italiane ‘Cosa Nostra’ u bllokuan në një bankë në Shqipëri në nëntor 2021.

Skema e pastrimit të parave përmes transaksioneve përfshin edhe një bankë të nivelit të dytë në Tiranë, ku paratë që duheshin pastruar do të lëviznin në Shqipëri, Itali dhe Zvicër, ku Taçi dhe dy njerëzit e tij bashkëpunonin me 4 italianë për pastrimin e parave të Cosa Nostra-s.

LEXONI GJITHASHTU:

• “Je dhurata e jetës”- Zbulohen mesazhet e bosit të Cosa Nostras me të dashurën
• Gjykata e Lartë në SHBA lejon përdorimin e pilulave për abort