Sherr mes djemsh pasi i ngacmoi të afërmen, të shtëna me armë në Tiranë

Një konflikt është regjistruar në orën 3 të mëngjesit të së shtunës, afër spitalit “Nënë Tereza” në Tiranë.

Dy grupe të rinjsh janë përplasur me njëri-tjetrin. Njëri prej tyre ka qëlluar me armë në ajër, por fatmirësisht nuk ka pasur të lënduar.

Vetëm një nga 8 djemtë e pranishëm është lënduar në këmbë pasi është rrëzuar.

Të rinjtë ishin të grupmoshës 18-20 vjeç.

Shkak i konfliktit, sipas informacioneve paraprake, dyshohet të ketë qenë një djalë i cili ka ngacmuar të afërmen e një djali nga grupi tjetër.

Policia ka shkuar shpejt në vendngjarje duke bërë dhe shoqërimin e të rinjve.

LEXONI GJITHASHTU:

• Të shtëna ndaj bashkëmoshatarit, fshihen në pyll 19-vjeçarët/Policia në ndjekje
• Të shtëna me armë zjarri në drejtim të një biznesi në Kurbin