Papa Françesku në Budapest: Mos ua mbyllni derën të huajve dhe emigrantëve

Sot në Budapest, Papa Françesku udhëhoqi një meshë të madhe në natyrë, gjatë së cilës u bëri thirrje hungarezëve që të mos mbyllin dyert për emigrantët dhe ata që janë “të huaj ose të ndryshëm nga ne”.

Dhjetëra mijëra njerëz u mblodhën në dhe rreth sheshit prapa ndërtesës së parlamentit në Budapest, një simbol i kryeqytetit hungarez, për të parë Papën në ditën e fundit të vizitës së tij në vend, raportoi Reuters.

Papa vazhdoi temën që nisi ditën e parë të vizitës, të premten, kur paralajmëroi rrezikun e zgjimit të nacionalizmit në Evropë, por gjithçka e vendosi në kontekstin ungjillor, duke thënë se dyert e mbyllura janë të dhimbshme dhe në kundërshtim me mësimin e Jezusit.

Kryeministri hungarez Viktor Orbán, i cili mori pjesë në meshë, tha më herët se ai nuk do të lejojë që Hungaria të shndërrohet në një “vend emigrant”, si të tjerët në Evropë, për të cilat ai pretendon se janë bërë të panjohshme për njerëzit e tyre.

LEXONI GJITHASHTU:

• Papa nis vizitën treditore në Hungari
• Papa Françesku u jep grave të drejtën e votës në mbledhjen e peshkopëve