Fjalëkalimet zbulohen 8 herë më lehtë se vitin e kaluar, çfarë sugjerojnë ekspertët

Vendosja e numrave, simboleve dhe shkronjave në fjalëkalimet tona mund të na bëjë të besojmë se llogaritë tona në internet janë të sigurta. Megjithatë, ekspertët e sigurisë kibernetike kanë paralajmëruar se një fjalëkalim me gjashtë karaktere që përmban të gjitha këto kombinime mund të thyhet menjëherë nga hakerat.

Hulumtimi i ri nga Hive Systems tregon se hakerat mund të thyejnë fjalëkalimin tuaj brenda disa sekondave – edhe nëse ai është më shumë se 10 karaktere i gjatë.

Zulimi i një password-i sot ndodh deri në tetë herë më shpejt se vitin e kaluar, gjë që studiuesit ia atribuojnë përparimeve në teknologji. “Më në fund ka ardhur koha kur fjalëkalimet thjesht nuk janë më të sigurta në vetvete”, tha Alex Nette, CEO dhe bashkëthemelues i Hive Systems.

“Me përdorimin lehtësisht të aksesueshëm të mjeteve dhe pajisjeve të inteligjencës artificiale, hakerët nuk kanë qenë kurrë në një pozicion më të lehtë për të fituar akses në të dhënat tona personale. Pa mbrojtje shtesë, nuk mendoj se mund t’i konsiderojmë të dhënat tona si të sigurta.’ Hulumtimet zbuluan se fjalëkalimet e bazuara në numra ishin më të prekshmet dhe mund të thyheshin menjëherë nga hakerat me gjatësi prej katër deri në 11 karaktere.

Një fjalëkalim 12-shifror do t’u merrte hakerëve vetëm një sekondë për t’u thyer gjithashtu, ndërsa një kalim 18-shifror do të merrte më pak se një javë për t’u zgjidhur. Fjalëkalimet e shkronjave të vogla ishin pak më të sigurta, por jo plotësisht, me fjalëkalime me katër deri në tetë karaktere gjithashtu u thyen menjëherë.

Dhe ndërsa një fjalëkalim me 11 shkronja u deshën vetëm 30 minuta për t’u thyer, shtimi i shtatë shkronjave të tjera të vogla do ta bënte atë mbi 480,000 vjet. Fjalëkalimet më të sigurta ishin ato që përmbanin një përzierje numrash, simbolesh dhe shkronjash të ndryshme. Këto mund të thyheshin menjëherë nëse do të ishin katër deri në shtatë karaktere të gjata, por fjalëkalimet me 12 karaktere do të duheshin 226 vjet për t’u thyer”.

Këshilltari Global i Sigurisë Kibernetike në ESET, Jake Moore shtoi se përdorimi i fjalëkalimeve të ndryshme për çdo sajt është një mënyrë tjetër për të mbrojtur veten nga kriminelët kibernetikë.

Ai tha: ‘Kriminelët kibernetikë bredhin në rrjetin e errët në kërkim të këtyre listave të emrave të përdoruesve dhe fjalëkalimeve të hakuara me shpresën se mund të hakojnë në llogari të tjera që i përkasin të njëjtit emër përdoruesi me të njëjtin fjalëkalim përkatës.

LEXONI GJITHASHTU:

• “Kukullave të non gratës s’u jepet oksigjen”! Veliaj refuzon përballjen me Këlliçin
• 1 milion pemë! Veliaj: I dimë ku janë të gjitha, ata bëjnë fushatë me pemë plastike