1 milion pemë! Veliaj: I dimë ku janë të gjitha, ata bëjnë fushatë me pemë plastike

Kreu i bashkisë Tiranë Erion Veliaj tha në një intervistë në emisionin Review në Euronews Albania se gjatë mandateve të tij në Tiranë janë mbjellë 1 milion pemë.

Sipas tij këtë nuk e vënë dyshim qytetarët por vetëm një parti që nuk ka mbjellë asnjë pemë.

“S’na ka ardhur ndonjë kërkesë, po i kemi të dokumentuara jo vetëm ato që ka mbjellë bashkia, por çfarë ka mbjellë çdo qytetar. Kur dilja përditë me pemët thoshin na çmendi me pemët, sot thonë ku janë pemët. Është edhe mundësia të marrësh vetë lopatën të mbjellësh një pemë, por këto i thonë ata që nuk kanë mbjellë kurrë një pemë, edhe në fushatë vijnë me pemë plastike. Sot nuk taksohet më njëri për pemë, nuk paguhet më taksë gjelbërimi. Nuk e ka kërkuar asnjë qytetar sa pemë ja mbjellë, këtë e kërkon një parti që nuk ka mbjellë kurrë asnjë pemë”, tha Veliaj.

LEXONI GJITHASHTU:

• A duhet ta pimë ujin që na vjen në rubinet? Veliaj: Përgjegjësi e qytetarëve!
• “Kullat gjëja më e bukur në Tiranë”, Veliaj: S’mund të jemi dhe qytet i ri dhe antik