“Kukullave të non gratës s’u jepet oksigjen”- Veliaj refuzon përballjen me Këlliçin

70 për qind e qytetarëve të Tiranës, të pyetur nga Barometri janë përgjigjur se duan një debat ballë për ballë mes dy kandidatëve kryesorë për bashkinë Veliaj-Këlliçi.

Kreu i bashkisë Tiranë, Erion Veliaj tha në një intervistë në emisionin Review në Euronews Albania se t’u japësh kohë televizive atyre që i cilësoi si kukulla të non gratave, është si t’i amnistosh ata.

Veliaj u shpreh se ai është aty ku është për të marrë vendime dhe vendimi i tij në këtë rast do të jetë i drejtë për SHBA si partneri më i madh strategjik i vendit.

“Unë jam këtu të marr vendime; do t’i dëgjoj të gjithë, por do marr vendime. Kukullat e Berishës dhe Metës që janë shpallur non grata, t’i amnistojmë me kohë televizive, nuk është një detyrë që ne duam ta marrim përsipër. Sot përdoret një taktikë që Berishë dhe Metës t’u jepet oksigjen dhe kandidatët e tyre janë për t’u dhënë frymëmarrje këtyre non gratave. Do marrë një vendim të drejtë për SHBA si partneri ynë strategjik”, tha Veliaj.

LEXONI GJITHASHTU:

• Rama apo Veliaj, kush e drejton Tiranën? Kryebashkiaku: E imja 29 herë më e madhe…
• A duhet ta pimë ujin që na vjen në rubinet? Veliaj: Përgjegjësi e qytetarëve!