“Jogi” trajner i Gjermanisë së paku deri në “Euro 2021”

Joakim Lëv do të vijojë të jetë trajner i Kombëtares së Gjermanisë. Pas mbledhjes së kësaj të hëne, drejtuesit e federatës gjermane të futbollit kanë vendosur të vijojnë bashkëpunimin me trajnerin i cili fitoi Kupën e Botës në vitin 2014.

Paraqitjet jo të mira të “panzerave” në takimet e fundit dhe humbja përparuese 6-0 nga Spanja, ngritën dyshime për të ardhmen e Jogit, që u duk se ishte në fund të aventurës së tij me përfaqësues. Megjithatë pas diskutimeve nga drejtuesit e federatës, është parë e arsyeshme që 60-vjeccari të vijojë punën së paku deri në fund të kampionatit europian, që është programuar për t’u zhvilluar në verën e vitit 2021.

Drejtuesit e federatës besojnë tek puna e teknikut i cili prej kohësh ka si objektiv rinovimin e kombëtares gjermane, për të pasur një ekip sa më konkurrues, në mënyrë që të evitohet një paraqitje si ajo e kampionatit botëror të vitit 2018, kur “panzerat” nuk kaluan as grupet. 

Lëv është trajner i Gjermanisë që nga viti 2006, duke qenë një nga trajnerët më jetëgjatë në stolin e një skuadre përfaqësuese.