“Memet do të dënohen me Kod Penal”, Kryeministri Rama ironizon pretendimet

Kryeministri Edi Rama me anë të një reagimi në Twitter ka ironizuar me analistët që pretendojnë se ndryshimet e fundit në Kodin Penal është përfshirë dhe dënim për meme-t në internet.

Kreu i qeverisë thotë se një gjë e tillë nuk është e vërtetë duke rrëzuar kështu pretendimet nisur nga pjesë të draftligjit që kanë publikuar në media të ndryshme.

“Shih shih qenkan revoltuar ca analistë se do u dënokan memet me Kod Penal, duke u nisur nga s’di ç’material jozyrtar! Po si mund të ndalohen memet me ligj na e thonë dot këta orakuj të kombit? Asnjë shans s’ka, ku ta gjenim që dhe këta të merreshin me meme që të vlenin për diçka”, shprehet z.. Rama.

Shih shih qenkan revoltuar ca analistë se do u dënokan memet me Kod Penal, duke u nisur nga s’di ç’material jozyrtar! Po si mund të ndalohen memet me ligj na e thonë dot këta orakuj të kombit? Asnjë shans s’ka, ku ta gjenim që dhe këta të merreshin me meme që të vlenin për diçka!

— Edi Rama (@ediramaal) December 3, 2020

Ministria e Drejtësisë ka përmbyllur procesin e konsultimit publik ndërsa aktualisht ekspertët dhe grupi i punës do të finalizojnë projektligjin, i cili pasi të konsultohet teknikisht, do të depozitohet në Këshillin e Ministrave.

Në nenin 238 të draftit të Kodit Penal thuhet se dënohen publikimi i montazhit me fjalët apo imazhin e një personi pa pëlqimin e tij mund të dënohet deri në një vit burg.

Në nenin për cenimin e imazhit të personit, në draft thuhet se çdo publikim duhet të shënohet dukshëm që është montazh pasi në të kundërt përbën kundërvajtje penale dhe mund të dënohet me burgim. Në draft theksohet se ndjekja penale fillon me ankimin e viktimës ose përfaqësuesit të tij ligjor.

Lexoni gjithashtu:

Drejt fundit drafti për Kodin e ri Penal, rishqyrtohen disa vepra kriminale