Ndalohen punonjësit e bashkisë Shkodër, u gjenden 50 pako me ushqime në furgon

Policia ka shoqëruar në komisariat 3 punonjës të bashkisë Shkodër, të cilët po udhëtonin me një furgon ku ndodheshin 50 qese me ushqime të ndryshme.

Furgoni u ndalua rreth orës 13:00, gjatë një kontrolli nga shërbimet e policë rrugore.

Pas verifikimeve ka rezultuar se automjeti ishte në administrim të Drejtorisë Ekonomike të Drejtorisë Arsimore Shkodër.

Shtetasit P. D., drejtues në mjet dhe M. V., pasagjerë të dy punonjës të bashkisë Shkodër, janë shoqëruar në ambientet e Policisë, së bashku me shtetasin E. I., 31 vjeç, me detyrë Drejtor i Drejtorisë Ekonomike të Drejtorisë Arsimore Shkodër, për t’u pyetur në lidhje me këtë rast.

Grupi hetimor, në drejtimin e Prokurorisë pranë Gjykatës së Rrethit Gjyqësor Shkodër, vijon veprimet e thelluara procedurale dhe hetimore, për sqarimin e rrethanave të këtij rasti.

LEXO GJITHASHTU:

• Arrestimi i Belerit jehonë në Greqi, si u pasqyrua lajmi në mediat fqinje
• Flet gruaja që dëshmoi kundër Belerit: Më premtuan 200 mijë lekë për votën
• Arrestimi i Fredi Belerit, reagon kryeministri Rama