Arrestimi i Belerit jehonë në Greqi, si u pasqyrua lajmi në mediat fqinje

Arrestimi i Fredi Belerit dy ditë para zgjedhjeve të 14 majit, ka bërë jehonë edhe në mediat greke.

E përditshmja, Kathimerini në Greqi, shkuan se kandidati i minoritetit grek në Himarë, është arrestuar me akuzën e blerjës së votës, duke pasqyruar edhe reagimet e Omonias dhe PBDNJ-së së Vangjes Dules, të cilët e kanë cilësuar një sulm të paprecendent.

Ndërsa gazeta Protothema, shkruan se ministri i Jashtëm i Greqisë, Nikos Dendias ka komunikuar personalisht me kryeministrin Edi Rama sa i takon arrestimit të Belerit, pasi ka vënë në dijeni për rastin edhe kryeministrin Kyriakos Mitsotakis.

Protothema ka pasyruar edhe reagimet e ashpra të kryeministrit Edi Rama ndaj kanddiatit të koalicionit Bashkë fitojmë, për deklaratat e këtij të fundit lidhur me helenizimin e Himarës.

Reagime ka patur edhe partia e SYRIZA-s në Greqi.  Kreu i departamentit të jashtëm Giorgios Katrougalos, ka kërkuar reagim të menjëhershëm për rastin. Përmes një postimi në Tëitter e ka cilësuar  arrestimin e Fredi Belerit dy ditë para zgjedhjeve lokale si një situatë që krijon shqetësim dhe pikëpyetje serioze

“Mbështetja e pakicës kombëtare greke në kohë të vështira duhet të jetë praktike. Nuk mjaftojnë festat” ka shkruar Katrougalos.

LEXO GJITHASHTU:

• Arrestimi i Belerit jehonë në Greqi, si u pasqyrua lajmi në mediat fqinje
• Arrestimi i Fredi Belerit, reagon kryeministri Rama