Sokol Brahaj nga Izmiri: Për herë të parë Erdogan i trembet opozitës. Ja arsyeja

Ditën e nesërme pritet të zhvillohen zgjedhjet presidenciale në Turqi. Gazetari Sokol Brahaj në një lidhje të drejtpërdrejtë nga Izmiri, tha për Euronews Albania se për herë të parë pas 20 viteve Turqia ka një opozitë të fortë, të cilës presidenti i tanishëm Recep Tayyip Erdogan i trembet.

Kemal Kilicdaroglu, lideri i subjektit shekullor të qendrës së majtë, Partisë Popullore Republikane apo CHP, është kundërkandidati kryesor që synon ta mposhtë Erdoganin, që ka qëndruar për 20 vjet në pushtet.

“Për herë të parë në Turqi pas 20 viteve, kemi një rival para Erdoganit. Ai është një lojtar shumë i fortë në Turqi, por deri më tani sukseset e Erdoganit, kanë qenë sepse ai nuk ka pasur një opozitë.

Ndërsa 5 vitet e fundit, pasi Turqia kaloi në sistemin presidencial, me në krye partinë republikane turke, është një parti që tashmë ka bërë një aleancë shumë të gjerë, ka mbledhur gjithë sferat e shoqërisë turke. Kjo aleancë është rivale e Erdoganit dhe nga sondazhet duket se në përfundim të votimeve do të kemi surpriza”,-tha Sokol Brahaj.

LEXONI GJITHASHTU:

• U kapën me kanabis kur tentuan të kalonin kufirin, arrestohen 2 të rinjtë nga Kosova
• Seanca për Belerin, mediat greke mbërrijnë në ambientet e gjykatës së Vlorës