U kapën me kanabis kur tentuan të kalonin kufirin, arrestohen 2 të rinjtë nga Kosova

Dy 19-vjeçar nga Kosova janë arrestuar ndërsa po tentonin të kalonin kufirin shqiptar. Ata kishin me vete një sasi lënde narkotike të dyshuar si canabis sativa në automjetin me të cilin po udhëtonin tip “Volkswagen”.

“Shërbimet e Policisë Kufitare të PKK Muriqan, në kuadër të kontrolleve të intensifikuara, në hyrje/dalje, me qëllim parandalimin dhe evidentimin e paligjshmërive në kufi, kanë kaluar në vijën e dytë, për kontroll të imtësishëm shtetasit N. K. dhe D. M., të cilët lëviznin me automjetin tip “Volkswagen”.

Gjatë kontrolleve, këtyre shtetasve iu është gjetur dhe sekuestruar një sasi lënde e dyshuar narkotike cannabis sativa.

Në vijim të veprimeve procedurale për këtë rast, specialistët e Seksionit për Hetimin e Narkotikëve të DVP Shkodër arrestuan në flagrancë shtetasit N. K. dhe D. M., të dy 19 vjeç dhe banues në Prizren, si dhe sekuestruan sasinë e lëndës narkotike.

Materialet procedurale i kaluan  Prokurorisë Pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”,-thuhet në  njoftimin e policisë.

LEXONI GJITHASHTU:

• Gjermania përgatit ndihmën e re ushtarake për Kievin, rreth 3 miliardë euro
• Luftime të ashpra në Sudan, paralajmërohet rinisje e bisedimeve