Cili është shteti i parë amerikan që ndalon zyrtarisht Tik Tok

Montana është bërë shteti i parë amerikan që e ka ndaluar aplikacionin kinez të videove të shkurtra, TikTok.

Guvernatori i Montanas, Greg Gianforte, e ka nënshkruar dokumentin në ligj, të mërkurën, shkruan rel.

“Për të mbrojtur banorët e Montanas, të dhënat personale dhe private nga Partia Komuniste Kineze, e kam ndaluar TikTok-un në Montana”, ka thënë Gianforte, pas nënshkrimit të ligjit.

Vendimi i ri ua ndalon kompanive ofrimin e këtij aplikacioni nga 1 janari i vitit të ardhshëm, si dhe e parandalon TikTok-un nga operimi si biznes në shtet.

Për secilën ditë që kjo platformë do të jetë e qasshme, pas fuqizimit të ligjit, ofruesit e aplikacionit do të duhet të paguajnë gjobë prej 10.000 dollarëve.

Përdoruesit nuk do të gjobiten, dhe ata që e kanë përdorur aplikacionin në të kaluarën nuk do të preken nga vendimi.

TikTok-u nuk ka reaguar ende ndaj këtij ndryshimi ligjor.

LEXONI GJITHASHTU:

• Franca ndalon përdorimin e ‘Tik Tok’ për 2.5 mln zyrtarë
• Pas SHBA-ve, edhe Britania gati të ndalojë Tik Tok-un