‘Fushata përkëdheli sedrën e shkodranëve’, si u përball Beci dhe Spahia në Shkodër

Gazetarja Bruna Dibra komentoi zgjedhjet në Shkodër, ku me një diferencë të madhe votash fitoi Benet Beci ndaj kundërshtarit të tij Bardh Spahia.

Në një intervistë për Euronews Albania, ajo theksoi se fushata zgjedhore ishte e qetë dhe se kandidatët nuk sulmuan njëri-tjetrin.

Më tej Dibra tha se shkodranët votuan PS për të provuar nëse do të mbajë qëndrimet e dhëna.

“Ne kemi parashikuar se bashkimi i së majtës mund të sjellë një rezultat të tillë. Por ndoshta diferenca e madhe e votave ishte një parashikim që as vet kandidati Beci nuk besonte. Ajo që ndodhi në Shkodër ishte që përveç votave të sigurta që Beci i kishte, sigurisht influenca e PSD dhe bashkimi i Agron Çela me PS plotësonte pritshmëritë e së majtës  për ta marrë këtë bashki pas 31 vitesh.

Mendoj se në këtë rezultat ka dhe vota personale të vetë Becit. Ishte një formë  zemërimi ndoshta jo ndaj kandidatit Spahia sesa ndaj PD apo mënyrës se si kjo parti kishte qeverisur në Shkodër,. Mendoj se shkodranët u treguan pragmatistë duke provuar dhe Ramën nëse do të zbatojë premtimet që ka  dhënë. Shkodranët  janë ndjerë të priviligjuar dhe për mënyrën e të bërit fushatë. Ka qenë një fushatë qytetare shumë e qetë. Kandidatët janë marrë më shumë me programet e jo me sulmet ndaj njëri-tjetrit”-tha ajo.

LEXONI GJITHASHTU: 

• I akuzuar për fshehje pasurie, SPAK kërkon dënim me burg për ish-reun e Kushtetueses
• Tefta Malaj në lot, në karrocë me rrota, fotot e funeralit të 16-vjeçares Xhesika