Tefta Malaj në lot, në karrocë me rrota, fotot e funeralit të 16-vjeçares Xhesika

Tefta Malaj, nëna e Xhesikës, 16-vjeçares që u vra nga babai i saj Taulant Malaj la përkohësisht ambientet e departamentit të kirurgjisë së përgjithshme të Poliklinikës në Foggia, për të marrë pjesë në funderalin e vajzës së saj.

Në një karrocë me rrota, e veshur me një xhup të zi dhe me kapuç në kokë, Malaj mbërriti në kishën ku u mbajt funerali, e rrethuar nga familjarë e saj.

Nga fotot e publikuara nga mediat italiane shihet një pjesëmarrje e lartë e qytetarëve në ceremoninë mortore të 16-vjeçares që u mbajt në kishën e Punëtorëve Hyjnor të Torremaggiore.

Don Renato Borrelli, famullitar i kishës së Punëtorëve Hyjnor të Torremaggiore (Foggia), e tha në predikimin e tij: “Dashuria për nënën tënde të shtyu të mbroheshe me trupin tënd dhe si Jezusi e dhatë jetën për të, nga dashuria”.

Famullitari iu drejtua viktimës së re duke e quajtur “E dashur heroinë e vogël, sa i ngjan Jezusit në atë gjest tënd. Sot je dhe do të jesh gjithmonë në Parajsë. Rinia jote tani ka lulëzuar përgjithmonë në parajsë”.

Xhesika Malaj, u vra me thikë nga babai i saj, Taulant Malaj, teksa u përpoq të mbronte të ëmën e saj.

Taulanti përpara se të vriste të bijën, ekzekutoi me thikë dhe fqinjin e tij Masimo de Santis, pasi dyshonte se ky i fundit kishte një lidhje jashtëmartesore me bashkëshorten e tij. E plagosur rëndë mbeti dhe Tefta Malaj, por që mundi t’i mbijetonte plagëve të marra.

LEXONI GJITHASHTU:

• “Italiani e merrte me Maserati”- Malaj flet për vrasjen e të bijës dhe 50-vjeçarit
• Vëllai i italianit të vrarë nga Malaj: Nuk kishte asnjë lidhje me gruan e tij
• “Flisnin në WhatsApp”, detaje nga dëshmia e Malajt pasi vrau vajzën dhe 51-vjeçarin