Rrëzohet aeroplani në kufirin mes Zvicrës dhe Francës, raportohet për viktima

Një aeroplan turistik është rrëzuar këtë të shtunë në zonën e Alpeve zvicerane, duke vrarë tre persona.

Lajmi u bë publik fillimisht nga një zyrtar lokal për RTN Radio, cili konfirmoi se kishte viktima, por nuk bëri publik numrin e tyre.

“Familjet e viktimave duhet të informohen së pari”, shpjegoi zëdhënësi i policisë Georges-André Losuet.

Përmes një njoftimi të mëvonshëm, policia zvicerane njoftoi se ka tre të vdekur, respektivisht piloti dhe dy pasagjerë të tjerë.

Rrëzimi i avionit të vogël turistik ndodhi në Ponts-de-Martel në malet Neuchâtel të Alpeve, pranë kufirit të Zvicrës dhe Francës.

Autoritetet kanë nisur tashmë një hetim në lidhje me shkaqet e aksidentit.

LEXO GJITHASHTU:

• Rrëzohet avioni luftarak në Spanjë, pamjet e frikshme kur shpërthen në flakë
• Wagner shpall fitoren në qytetin kyç në Ukrainë, kundërpërgjigjet Kievi