“Koka vlen pak në Sarandë”, miku i të zhdukurve: Për Koçolen e Krasniqin bënë 4 foto

Miku i dy të zhdukurve në Sarandë Fatmir Krasniqi dhe Leonard Theodhori, i njohur ndryshe si Koçolja, tha në emisionin “Review” në Euronews Albania se policia nuk ka bërë hetimet që duhet të bënte lidhur me rastin.

Sipas tij ata as nuk kanë zbritur nga makina në momentin që kanë bërë foto nga vendngjarja. Altin Gjini shtoi gjithashtu se në Sarandë është shumë e lehtë të fshehësh krimin pasi ka 2000 hotele e 2000 miqësi, gjë që sipas tij e bën shumë të letë “të humbësh kokën”.

“Policët nuk hapën makinën për të kërkuar gjurma ADN-je po bën foto nga jashtë, pa zhbritur nga makina. E gjithë jeta e Koçoles dhe Krasniqit ishte vetëm 4 shkrepje celulari. Po të mendoni për një çast Saranda, ka 2000 hotele të nivelit të lartë, luksoze. Në 2000 hotele janë 200 pronarë, janë 2000 familje, janë 2000 miqësi. Është një vend tepër i rrezikshëm për të tilla raste.

Ka shumë pak kosto koka në Sarandë. Me mundësitë që ka Saranda sot, me një neglizhencë të jashtëzakonshme, duke na gënjyer ne hallexhinjve, ajo kamer s’punon, këtë e ka bashkia e këtë policia, kemi 8 ditë, për 8 ditë edhe të paaftë të ishin ata që kanë bërë atë vepër kriminale, koha ua zgjidh kollaj”,-tha Altin Gjini.

LEXONI GJITHASHTU:

• 7 shqiptarë në garë për deputet në Greqi, aktivisti: Zëri jonë do ndihet fuqishëm
• “Votoni për prindërit tuaj!” Fatos Malaj, thirrje shqiptarëve me nënshtetësi greke