Këtë të diel qytetarët grekë do i drejtohen kutive të votimit për të zgjedhur qeverinë që do i udhëheqë për katër vitet në vijim.

Në garë për deputet këtë vit janë edhe 7 shqiptarë, një prej të cilëve është Fatos Malaj kandidati i PASOK në Athinë. Ai ka ushtruar të drejtën e votës mëngjesin e kësaj të diele dhe u bëri thirrje edhe të gjithë shqiptarëve që të votojnë.

“Sot është një ditë e madhe për demokracinë, sapo erdha dhe unë e votova. Unë u bëj thirrje të gjithë qytetarëve grekë me nënshtetësi shqiptare dhe greke së bashku të cilët kanë të drejtën e votës.

Sidomos brezi i dytë i emigrantëve të cilët duhet të votojnë për prindërit e tyre, për pensionet e tyre, për lejet e qëndrimit të tyre, për të përfituar këta nënshtetësinë, duke ndryshuar sa të mundemi ligjet për të mirën e emigrantëve. Shkoni dhe votoni!”,-tha Fatos Malaj.

LEXONI GJITHASHTU:

• Zgjedhjet në Greqi, dy afro-grekë për herë të parë në garën parlamentare
• Sot zgjedhjet në Greqi, 7 shqiptarë në garë