7 shqiptarë në garë për deputet në Greqi, aktivisti: Zëri jonë do ndihet fuqishëm

Arjan Cara drejtues i shoqatës “Nënë Tereza”, tha për Euronews Albania se zgjedhjet që po zhvillohen këtë të diel në Greqi janë shumë të rëndësishme edhe për komunitetin shqiptar atje, pasi është hera e parë që 7 shqiptarë janë kandiatë për deputet.

Ai tha se në rast se të gjithë do arrinin të fitonin, do të ishte një sukses i jashtëzakonshëm që do e bënte zërin e komunitetit shqiptar të dëgjohej më shumë në parlamentin grek.

“Janë shumë të rëndësishme pasi është hera e parë në parlamentin grek që kanë 7 kandidatura nga brezi i dytë i emigrantëve shqiptarë të ardhur në Greqi këto 32 vitet e fundit. Ne jemi këtu e 32 vite në Greqi dhe akoma luftojmë për disa të drejtat tona që nuk janë realizuar.

Zëri jonë në parlament do jenë këta fëmijë të brezit të dytë. Unë u uroj suksese dhe nëse futen të 7 në parlament, do jetë një sukses i madh për komunitetin tonë  dhe besoj se zëri jonë do ndihet më fuqishëm në parlamentin grek”,-tha Arjan Cara në një intervistë për gazeta4rin e Euronews Albania, Xhensil Shkëmbi.

LEXONI GJITHASHTU:

• Sot mbahen zgjedhjet në Greqi, 7 shqiptarë në garë
• “E ka në dorë shteti”, miku i të zhdukurve në Sarandë: Mos të vdesin kot bijë nënash