Ministrat e jashtëm të BE takohen në Bruksel, fokus te dialogu Kosovë-Serbi

Situata në rajonin e Ballkanit Perëndimor ishte çështje diskutimi në takimin e Këshillit të Punëve të Jashtme të Bashkimit Evropian në Bruksel. Atyre iu bashkohen edhe ministrat e Punëve të Jashtme nga gjashtë vendet e Ballkanit Perëndimor.

Temat kryesore të bisedimeve janë procesi i normalizimit të raporteve mes Kosovës dhe Serbisë, situata në Bosnjë e Hercegovinë, bashkëpunimi rajonal dhe ndikimi i Rusisë në rajonin e Ballkanit Perëndimor.

Bashkimi Evropian pritet të përsërisë edhe një herë përkushtimin për të vazhduar ndihmën për rajonin, por edhe të kërkojë nga këto vende të kryejnë obligimet e marra për të zbatuar reformat dhe për t’u përshtatur edhe me politikën e jashtme të Bashkimit Evropian.

Sa i përket dialogut mes Kosovës dhe Serbisë, pritet që edhe nga ky takim të përsëritet thirrja për progres në procesin e normalizimit të raporteve dhe zbatimin e të gjitha obligimeve që palët kanë marrë përsipër në këtë proces. Bashkimi Evropian ka shprehur shqetësim edhe për kërcënimet që dëgjohen në Bosnje e Hercegovinë për rrezikimin e integritetit territorial të këtij vendi.

LEXONI GJITHASHTU:

• Kadilli sulmon njerëzit pranë Berishës: Janë zero, presin çfarë do thotë Ajatollahu
• “S’është takuar kurrë me të infiltruarin”, avokati i Belerit: Do ankimojmë vendimin