BE diskuton akordet tregtare, unioni frikë për dëmtimin e tregjeve të brendshme

Aktivistët e “Greenpeace” kanë pritur ministrat e Tregtisë të BE-së me një protestë të enjten në Bruksel.

Në agjendë janë marrëveshjet e tregtisë së lirë që 27 vendet anëtare po negociojnë, përfshirë atë me bllokun amerikano-jugor të njohur si Merkosur.

Por bisedimet nuk u kufizuan me aq. Në tryezë ishin edhe diskutimet për marrëveshjet me Indinë, Indonezinë dhe Australinë.

Kjo tregon se sa marrëveshje janë në diskutim, por ende të paratifikuara. Disa vende të BE-së po vënë në dyshim dobishmërinë dhe vlerat e këtyre akordeve, që në njëfarë mënyre po shkaktojnë lodhje.

“Mendoj se termi ‘lodhje’ është i përshtatshëm”, tha Ville Skinnari, ministër i Tregtisë së Finlandës.

Sipas ministrit francez për Tregtinë me Jashtë, kjo lodhje mund të shpjegohet me nevojën për të mbrojtur interesat evropiane.

“Marrëveshjet duhet të miratohen pa vënë në rrezik sektorët tanë. I referohem në veçanti sektorit të agrikulturës. Duhet të jemi vigjilentë dhe nga ky këndvështrim koha që kërkojnë negociatat duhet përdorur për të arritur kompromise të pranueshme si nga shtetet, edhe nga opinioni publik”, shprehet Olivier Becht, ministër për Tregtinë me Jashtë, Francë.

Për BE-në, këto marrëveshje janë një sinjal që u dërgohet partnerëve ndërkombëtarë për të treguar mbështetjen ndaj multilateralizmit. Por disa duan ta ngadalësojnë këtë dinamikë.

“Mendoj se kjo situatë është pjesërisht pasojë e suksesit të globalizimit në dy mënyra. Mënyra e parë është që kemi ulur shumë tarifa në nivele historike. Që do të thotë se përfitimet nga këto akorde nuk janë aq të mëdha sa ç’kanë qenë dikur. Gjithashtu, kjo do të thotë se as përfitimet nga një marrëveshje e re nuk do të jenë aq të mëdha. Arsyeja e dytë është se ne kemi parë shumë zhvendosje të industrive në BE për shkak të globalizimit dhe teknologjisë, që do të thotë se kemi rritur pabarazinë në BE dhe kjo ka çuar në një kundërpërgjigje nga njerëzit e prekur nga kjo pabarazi ndaj globalizimit dhe këtyre marrëveshjeve tregtare”, thotë Niclas Poitiers, studiues, Instituti Bruegel.

Për shumë vite me radhë BE ka shtyrë konkretizimin e këtyre marrëveshjeve. Por duke parë situatën ndërkombëtare gjeopolitike dhe vështirësitë që po hasen me zinxhirët e furnizimit për shkak të pandemisë, vendet anëtare tani duan të reflektojnë mbi qasjen e tyre ndaj tregtisë së lirë.

LEXONI GJITHASHTU:

• Petkoviç dënon betimin e kryetarëve të rinj në veri të Kosovës
• Bashkimi Evropian pritet të pezullojë marrëveshjen për vizat me Rusinë