Petkoviç dënon betimin e kryetarëve të rinj në veri të Kosovës

Kryetari i Zyrës për Kosovën në Qeverinë e Serbisë, Petar Petkoviç, ka thënë të enjten se me betimin e kryetarëve të rinj në komunat në veri të Kosovës, është zyrtarizuar pushtimi i katër komunave.

“Pushtimi nuk ka qenë kurrë situatë e përhershme në histori, andaj nuk do të jetë as në katër komunat në veri të Kosovës, dhe do të përfundojë së shpejti, megjithatë, populli serb, më shumë se pushtimin e [kryeministrit të Kosovës, Albin] Kurtit, do ta mbajë mend mënyrën e turpshme sesi demokracitë e rreme e kanë dhënë dritën e gjelbër për diçka të tillë”, ka thënë të enjten Petkoviç.

Kryetarët e rinj të komunave në veri të Kosovës, të gjithë shqiptarë, janë betuar më 19 dhe 25 maj, shkruan REL.

Komunat në veri, Mitrovica e Veriut, Zveçani, Leposaviqi dhe Zubin Potoku, janë të banuara me shumicë serbe.

Kryetari i Mitrovicës së Veriut është Erden Atiç nga Lëvizja Vetëvendosje, ndërsa nënkryetare e komunës është Katarina Agjançiç nga komuniteti serb.

LEXONI GJITHASHTU:

• Varhelyi i prerë me Osmanin: Kosova dhe Serbia të zbatojnë të gjitha marrëveshjet
• Petkoviç: Kosova s’ka ndërmend ta formojë Asociacionin, mashtron sërish Brukselin