PD për vrasjen e të riut, Alibeaj: Asnjë kurban s’e shpëton dot Ramën nga përgjegjësia

Për Partinë Demokratike reagimi i paralajmëruar i Kryeministrit Rama ditën e sotme është i vonuar. Sipas ish deputetit të PD-së Enkelekjd Alibeaj “asnjë kurban që mund të ndërmerret” qoftë edhe ministri i Brendshëm, Sandër Lleshaj, nuk e shpëton dot atë nga përgjegjësia.

Alibeaj u shpreh se kryeministri nuk e ngushëlloi familjen Rasha për tre ditë me radhë, por përkundrazi “u mundua të manipulojë opinionin publik, duke fshehur të vërtetën”.

“Kur e pa se nuk ia doli dot, bëri njoftimin se do të mbante fjalim. Jo për vrasjen e Klodianit siç ka ndodhur vërtet, por për vdekjen e tij. Asnjë fjalim nuk e justifikon dot Edi Ramën. Asnjë kurban, qoftë dhe Lleshaj, nuk e shpëton dot nga përgjegjësia,” – u shpreh Alibeaj.

Kryeministri Rama ka njoftuar për mbajtjen e një fjalimi rreth orës 18:00 për të shpjeguar qëndrimin e tij rreth çështjes së vrasjes së të riut Klodian Rasha nga policia.

Lexoni gjithashtu:

Vrasja e Klodian Rashës, Rama: Në orën 18.00 ndaj qëndrimin tim për vdekjen e tij tragjike

Hetimet për vrasjen e Klodian Rashës, Prokuroria kërkon ‘arrest me burg’ për efektivin