Kërcënonte me armë gjahu bashkëshorten dhe fëmijën e mitur, arrestohet 46-vjeçari

Një 46-vjeçar është vënë në pranga në qytetin e Dibrës duke u parandaluar kështu një krim i mundshëm në familje. Ai kishte dhunuar gruan dhe djalin e tyre adoleshent duke u shkaktuar dëme fizike, e më pas i kërcënonte se do i vriste më armë gjahu. Arsyeja, sipas policisë, ishte xhelozia e 46-vjeçarit për bashkëshorten.

Për fat të mirë policia ka ndërhyrë duke shmangur kështu tragjedinë në familje. Në cilësinë e provës u sekuestrua arma e gjahut.

“Vihet në pranga 46-vjeçari që ushtroi dhunë ndaj bashkëshortes dhe djalit të tyre të mitur, si dhe i kanosi ato se do ti vriste me armë gjahu.

Sekustrohet arma e gjahut çifte me të cilën 46-vjeçari kanosi familjarët.

Shërbimet e Komisariatit të Policisë Dibër, pas njoftimit të marrë se në fshatin Trepç, njësia Administrative Melan, një shtetas po ushtronte dhunë ndaj familjarëve të tij si dhe po i kërcënonte ato me armë gjahu, menjëherë kanë  kaluar në adresën e dhënë dhe si rezultat i veprimeve të shpejta profesionale kanë bërë të munduar kapjen dhe arrestimin në flagrancë të shtetasit H. Sh., 46 vjeç.

46-vjeçari, për motive xhelozie, ka ushtruar dhunë fizike ndaj bashkëshortes dhe djalit të tyre 17-vjeçar, duke u shkatuar atyre dëmtime fizike, si dhe i ka kanosur se do ti vriste me armë gjahu çifte.

Në cilësinë e provës materiale u sekuestrua arma e gjahut çifte me të cilën 46-vjeçari ka kanosur familjarët e tij.

Materialet procedurale i  kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme”,-thuhet në njoftimin e policisë.

LEXONI GJITHASHTU:

• Rusia shkatërron dronet, ishin nisur për të sulmuar rafinerinë e naftës
• “U kalua vija e kuqe”, Shtuni: S’i duhet Kosovës Oso Kuka, i duhet Ismail Qemali