Lira turke ra në nivelet më të ulëta historike pas fitores së Erdoganit 

Lira turke ra në nivelet më të ulëta historike kundrejt dollarit amerikan pas fitores së Rexhep Tajip Erdogan në raundin e dytë të zgjedhjeve presidenciale të Turqisë.

Monedha turke ka humbur më shumë se gjashtë për qind të vlerës së saj që nga fillimi i vitit 2023 dhe vlera e saj ka rënë me më shumë se 90 për qind në dhjetë vitet e fundit.

“Fitorja e Erdoganit nuk ofron siguri për investitorët e huaj”, tha eksperti i kompanisë Telimer, Hasnain Malik.

Ai beson se ka pak shanse që presidenti i Turqisë t’i kthehet politikës ekonomike standarde pas zgjedhjeve.

Gjatë dy viteve të fundit, Banka Qendrore e Turqisë ka ulur gradualisht normën e interesit referencë, nga 19.0 për qind në 8.5 për qind aktualisht.

Inflacioni në Turqi, sipas agjencisë shtetërore të statistikave Turkstat, ishte 43.68 për qind në muajin prill.

LEXONI GJITHASHTU:

• Forca speciale mbi çati mbrojnë Erdogan me snajper, Gashi: Ka shumë armiq
• Turqia e përçarë, gëzim në kampin e Erdogan, dëshpërim në atë opozitar