Protesta për vrasjen e Klodian Rasha, Luigi Soreca: Dhuna të shmanget nga të gjitha palët

Ambasadori i Bashkimi Europian në vendin tonë, Luigi Soreca ka reaguar lidhur me situatën e krijuar në vend në ditën e tretë të protestave për vrasjen e Klodian Rashës nga policia.

Përmes një postimi në Twitter ambasadori Soreca shpreh keqardhjen për ngjarjen e rëndë të vrasjes së të riut, por apelon që të shmanget dhuna në çdo rast dhe nga të gjitha palët.

“Shumë i pikëlluar nga ngjarjet e ditëve të fundit. Mendimet e mia janë me familjen e Klodian Rashës. Tani është thelbësore që kjo ngjarje tragjike të hetohet si duhet dhe të vendoset drejtësia, dhe shqetësimet e shprehura paqësisht të dëgjohen. Por dhuna duhet të shmanget në çdo rast, nga të gjitha palët”, shkruan ambasadori.

Very saddened by the events of last days. My thoughts are with Klodian Rasha’s family. It is now crucial that this tragic event is properly investigated and justice is done, and the concerns expressed peacefully are heard. But violence should be avoided at any rate, by all sides.

— Luigi Soreca?? (@LSorecaEU) December 11, 2020