Basha me të rinjtë në Vlorë: Nuk ndryshon gjë me politikë të vjetër e tallava

Lulzim Basha u takua me të rinjtë në Vlorë ku dhe bëri thirrje për ndryshimin e frymës politike.

Ai kujtoi se në zgjedhjet e 14 majit kanë votuar vetëm 13% e të rinjve të grupmoshës 18-20 vjeç, gjë që tregon se sa e rëndë është situata dhe sa e pashpresë.

“Si mund ta ndryshojmë këtë? Njëherë, nuk e di nëse biem dakord që kjo nuk ndryshohet me gjuhën e vjetër, me kulturën e vjetër politike, me sharje, me banalitete, me kërcënime, me tallava, nuk vjen as debati, nuk dëgjohet, jo më të ndryshojmë diçka. Që ta ndryshojmë, jam i bindur që gjëja e parë që na duhet është t’i qasemi debatit me një gjuhë të re, me një kulturë të re politike, me një tërësi vlerash që reflektojnë hallet, problemet, shpresat e qytetarëve dhe jo ankthet dhe projektet individuale dhe hallet e politikanëve,” – u shpreh Basha.

Basha iu drejtua të rinjve në Vlorë duke iu kujtuar se çdo vendim i tyre dhe çdo përpjekje për të sjellë ndryshimin duhet të jetë afatgjatë sepse si të rinj ata e kanë jetën para dhe nuk iu duhen alternativa të përkohshme.

LEXONI GJITHASHTU:

• Petro Koçi: Basha nuk ka impakt politik, s’është personalitet që premton fitore
• Basha me tone të ashpra: Kthejuni përgjigje njerëzve për këto 4 pyetje