Të rinjtë protestë përballë ambasadës shqiptare në Londër: Kërkojmë drejtësi për Klodianin

Dhjetëra te rinj shqiptar që jetojnë dhe punojnë në Angli u grumbulluan për të protestuar para ambasadës shqiptare në Londër.

Në shenjë solidarizimi me protestat që janë duke u zhvilluar në Shqipëri, ata dolën me flamuj dhe me thirrjet “Drejtësi për Klodianin”.

Një prej të rinjve pjesëmarrës në këtë protestë, Ermir Bruka u shpreh se protesta mbi vrasjen e 25- vjeçarit Klodian Rasha nuk ka motive partiake dhe se është e papranueshme që shqiptarët të keqtrajtohen nga shteti i tyre.

“Nuk duam që të tilla raste të ndodhin më në shtetin tonë. Kjo nuk është partiake, jemi djem të rinj shqiptarë që kërkojnë drejtësi për të riun 25-vjeçar Klodian Rasha. Ndihemi shumë keq për vëllezërit tanë shqiptar që keqtrajtohen nga shteti, kjo nuk është e pranueshme, u shpreh Bruka.

Të rinjtë e pranishëm u shprehën se protestat përballë ambasadës shqiptare në Londër do të vazhdojnë edhe në ditët në vijim.

Lexoni gjithashtu:

Dita e pestë e protestës, qytetarët thirrje për drejtësi, policia ndërhyn më ujë dhe gaz lotsjellës

Protesta për Klodian Rashën, Genc Sejko: Nuk është politike, dorëheqja e Lleshajt nuk mjafton